Monday, August 4, 2014

நான் என்பது நீ!


ஒளி சொட்டு சொட்டாய் விழுந்து தெறிக்கும்
மூங்கில் காடு.
அமானுஷ்ய அமைதியில் 
காணாமல் போய்க்கொண்டிருக்கும் 
என் வார்த்தைகள்.
எங்கோ இருந்து வரும் 
மெல்லிய மல்லிகை வாசம்.
தட்பம் தணிக்கும் இலவச சாரல்.
தானாக கனியும் இளையராஜா பாடல்.
உண்மைதான் - கொஞ்சம் கொஞ்சமாய் 
நான் நானாக இல்லாமல் போய்க்கொண்டிருந்தேன்...
அப்பொழுதுதான் இது நடந்தது.
என் மூடிய கண்மடல்களை
உன் திறந்த சுவைமடல்கள் மெதுவாய் முத்தமிடுகிறது.
மோகத்தில் விழிக்கிறேன்.
என் உயிரை விழுங்கியபடி
உயில் எழுதிக்கொண்டிருந்தாய்
உன் கண்களால்,
எழுத்துப்பிழையின்றி அதைப் படித்தேன்.
அது இப்படி இருந்தது,
"நான் என்பதெல்லாம் நீதானே அன்பே!"



2 comments:

ரூபன் said...

வணக்கம்
அழகிய கவிகண்டு மகிழ்ந்தேன் பகிர்வுக்கு நன்றி
ரூபனின் எழுத்துப்படைப்புக்கள்: தீபாவளித் திருநாளை முன்னிட்டு உலகம் தழுவிய மாபெரும...: தீபாவளித் திருநாளை முன்னிட்டு ரூபன் &யாழ்பாவாணன் இணைந்து நடாத்தும் உலகம் தழுவிய மாபெரும் கவிதைப் போட்டி-2014   போட்டி...
-நன்றி-
-அன்புடன்-
-ரூபன்-

Yarlpavanan Kasirajalingam said...


சிறந்த பாவரிகள்
தொடருங்கள்

Popular Posts