Sunday, July 13, 2014

எது காதல்?


எது காதல்?
நான் வாழும் நரகத்தை
நீ முடிசூடி ஆட்சி புரிந்ததா?
இல்லை - நான் விட்டுக்கொடுக்கும் சண்டைகளில்
நீ வெற்றிவாகை சூடிக்கொண்டதா?
எது காதல்?
உன்னை நான் அணைத்துக்கொள்ள
என்னை நீ எரித்து முடித்ததா?
உனக்குள் நான் மயங்கிக்கிடக்க
என் தொண்டைக்குழிக்குள் திராவகம் கொட்டியதா?

காதல் வழிய வழிய - உன்னை
கொட்டித் தீர்த்து தீர்ந்து போனது
நின் பிழையா?
இல்லை -
கண்ணீர் சொரிய சொரிய - உன்னை
கட்டியணைத்து முத்தம் கொட்டியது
என் தவறா?

காதல் ஒரு தீராப் பிரவாகம்!
நீ குடிக்க குடிக்கு
என்னுள் ஊறிக்கொண்டே போகும்!
நீ பசிக்க
நான் சாதமானேன்!!
இறுதியில்,
நீ வரம் கிடைத்து எங்கோ தாரம் ஆனாய்.
நானோ கரம் தொலைத்து எனக்கே பாரம் ஆனேன்.



4 comments:

கவிஞர்.த.ரூபன் said...

வணக்கம்

நீ வரம் கிடைத்து எங்கோ தாரம் ஆனாய்.
நானோ கரம் தொலைத்து எனக்கே பாரம் ஆனேன்....

கவி வரிகள் நன்றாக உள்ளது பலதடவை இரசித்துப்படித்தேன்.. பகிர்வுக்கு நன்றி

-நன்றி-
-அன்புடன்-
-ரூபன்-

Yarlpavanan said...

சிறந்த படைப்பு

பி.அமல்ராஜ் said...

மிக்க நன்றிகள்..

'பரிவை' சே.குமார் said...

கடைசி வரிகள் அருமை...
அருமையான கவிதை.

Popular Posts