Wednesday, January 30, 2013

காதல் வரும் நேரம்!!


கவிதைகள் கூத்தாடும்
கண்கள் தகதிமியாடும்
சில்லென வீசும் காற்றும் 
சிரித்துக்கொண்டே  சித்திரவதை செய்யும்!

விழிகள் விரியும்
விம்பம் நிமிரும்
வீரம் செத்த மீசையிலும்
வீராப்பு ரோமம் மெல்ல முளைக்கும்!

முகம் பளிச்சிடும்
முன்னிரவு சிரித்திடும்
பின்னாலுள்ள பிடரியில்கூட
குஞ்சம் ஒன்று புதிதாய் முளைக்கும்!

காக்கைகள் அழகாய் தெரியும்
கானாங்கோளியும்  சின்பொனி இசைக்கும்
குரல் அடைத்த நரிகள் கூட
ஆரோகணத்தில் ஊழையிடும்!!

மேகம் கூரை போடும்
வானம் குடை பிடிக்கும்
வயசு போன பாட்டி கூட
வயாக்கரா தேடி வரிசையில் நிற்கும்!

கவிதைப்புத்தகம் தலையணையாகும்
தொலைபேசி போர்வையாகும்
மூடிக்கொண்ட முந்தானைக்குள்ளும்
முட்டும் மூச்சு வடிவாய் தெரியும்!

தனிமை தாகமாகும்
தவிப்பு வேதமாகும்
தன்னையே மறந்த நொடிப்பொழுதுகள்
லூசு என்ற பட்டத்தைக் கொடுக்கும்!

திருமணம் நியாயமாய் தெரியும்
தாலி  மேலே தவிப்பு பிறக்கும்
அம்மா பார்த்த பொண்ணு கூட
சனியனாய்தான் கடைசியில் தெரியும்!

காதல் வரும் நேரம்...

ஆண்கள் அழகாய் இருப்பர்
பெண்கள் அம்சமாய் திரிவர்
அம்மா மறந்து போகும்
அப்பா தூரமாகும்
உணவு காய்ந்துபோகும்
தூக்கம் தொலைந்துபோகும்
சூறாவளிக்காற்றும் சில்லென இருக்கும்
சூம்பிய பூவும் ரசனையை இழுக்கும்
இதயத்தில் பாரம் கூடும்
உயிரில் உஷ்ணம் மாறும்
நரம்புகள் நவரசம் சொட்டும்
நாடிக்குள் கலவரம் வெடிக்கும்
ரத்தம் சுடும்
பித்தம் கூடும்

மொத்தமாய்,
காதல் வரும் நேரம்
அவள் மலர்வாள்
இவன் மிளிர்வான்!

1 comment:

kovaikkavi said...

Eniya vaalththu.
Vetha.Elangathilakam.

Popular Posts