Sunday, January 20, 2013

யார்க்கெடுத்துரைப்போம்?

யாழ். இலக்கியகுவிய இணைய கவியரங்கிற்காய் எழுதிய கவிதை!


காதல் - அது

ஈனப்பிறவியின்
ஊன்தின்னும் சாத்தான்!

மோக பிராயத்தின்
ஓலமிடும் ஒப்பாரி!

சொந்தங்கள்
காறித்துப்பும் எச்சில்!

இது
பெரியவர்களின் அறிவுரை!

காதல்...
அம்மா அப்பாவுக்கோ - அது
கௌரவ நரகத்தின் திறவுகோல்!

அண்ணனுக்கோ
இது ஒரு அநியாயம்!

அக்காவுக்கோ
இதுவொரு சனியன்!

பார்ப்பவர்களுக்கு - காதல் ஒரு
நாகரிக தெரு நாட்டியம்..

ஆனாலும்
அனுபவிப்பவர்களுக்கோ - அது
வாழ்க்கை சொப்பனத்தின் அங்காடி!!

கனவுகளுக்குள் கட்டிப்புரளும்
இந்த - காரூண்ய காதலை
இளமையின் வேகத்தை
இதயத்தின் தாகத்தை - நாம்
யார்க்கெடுத்துரைப்போம்?
எப்படியெடுத்துரைப்போம்?


1 comment:

பாலா said...

இதன் விடை காதல் பிராயத்தில் யாருக்குமே தெரிவதில்லை. அந்த பிராயத்தை தாண்டியதும் அவசியம் ஏற்படுவதில்லை. அருமையான கவிதை வரிகள்.

Popular Posts