Friday, August 12, 2011

வலி சுமந்த மனது.


என்
நெஞ்சுத் தசைகளில் தொங்கும்
பிஞ்ச இதய தொங்கல்களை
பிச்சு பிச்சு போகின்றன - அந்த
வலிமையான வலிகள்.

அடித்துப் போட்ட
இதய அறைகளில்
இரத்தம் இல்லை.
உறிஞ்சிப்போன
மனச் சுவர்களில்
உணர்ச்சியுமில்லை.

ஓடிக்கறுத்த ரத்தம் - மனதில்
ஒட்டாமல் நிக்குது நித்தம்.
ஒடிந்து போன சித்தம் - ஒய்யாரமாய்
வலிக்கு கொடுக்குது முத்தம்.

காற்று மட்டும் தான் கிடக்கிறது
அதனால்தான் மனசு கனக்கிறது.
உயிர் வேண்டாம் என்றால் கூட
வலி அதையும் தடுக்கிறது.

No comments:

Popular Posts